الحلقة الاولى :-
***********
كشكول والمحاولة الاولى لركوب باص الجامعة يا ريتو الف مبروك هي كشكول خلص توجيهي وبمعدل كويس جاب 88 زطلعلو هندسة في الجامعة الهاشمية حلو كثير.اول يوم دوام زبط كشكول امورو (سنفور بعدو) زرر القميص لاخر زر (اشي بخنق بس شو بدنا نسوي هاي متطلبات الجامعة ) ولبس هالبنطلون المكوي على الليبرة ومشط شعرو على جنب (ما وصلو السبايكي) وحط جل كمان (ولا شو يا عمي مفكرين كشكول اي كلام هي الجامعة ولازم يكون الو حضور بين السنفورات من اول يوم ) طلع كشكول من البيت وصل مجمع المحطة ، كشكول شو بفكر مسكين انو راح يلاقي الباص واقف بستنى بحضرة جناب معاليه عشان يركب الاخ ويحرك الباص (الفكرة الوردية عن الجامعة اللي كانت عنا يا خسارة الرحلة ) طبعا ما تتخيلو كيف كانت صدمة كشكول الابله لما شاف الموقف ، شد على حالو وحكى بولك انت زلمة وبعدان اتذكر نصائح العائلة الكريمة (ابو ، امو ، خالتو ، عماتو ، عمامو ، عماتو ، خوالو ، كناين عماتو ، وسلفات خالاتو، ....الخ ) في الاجنماع المعروف اللي كلنا مرانا في قبل ما نخش الجامعة (اجتماع تقديم النصائح والارشادات الجامعية ) تذكر انو في البند رقم 234 في الفصل السابع من كراس النصائح العائلية انو لازم يستوعب الامور ويكون اكبر منها ( خلص صار طالب جامعي ) .اجا المهم باص هيك بسرعة هجموا عليه ما يقارب حسب رواية من شاهد الحدث 36572 طالب ، هجم كشكول معهم خاض معركة الله الوحيد الي بيعلم فيها والشباب اللي كانو بيطلعو عليه عشان يركبو بالباص .المهم حرك الباص وكان كشكول ملقى على الارض بعد اول معركة جامعية يقال ان كشكول كان يحتضر واخر كلمة سمعت منه ( يا خسارة الجل)ب.
الحلقة التانية:-
****************
كشكول والصراع النفسي *********************خرج كشكول من بيته وهو متأنق يلبس افضل ما لديه"الي على الحبل"وحطط الاخ "واكس"ومزبط هالشعرات وفايع...نزل كشكول على مجمع المحطة..كشكول انصدم ..شايف طلاب كثير هون وهون وما في دور ...كشكول اخد بفيزياء التوجيهي انه اا كان التدفق غير منتظم فالتدفق الكلي يساوي تقريبا صفر وما رح حد يطلع عشان هيك حكى لازم اوقف عالدور واستنى دوري وبالفعل وقف بعيد وحكى هسة بيجي دوري ...كل نص ساعه بيجي باص والطلاب بتركض عليه وهو واقف براقب ...مشت الساعه ولا هي الساعه 12.00 يعني راحت محاضراته ...رجع كشكول عالبيت زعلان ومتضايق..وحكى ثاني يوم اكيد الازمة اخفنزل عالمجمع لاقى الوضع زي ما هو تضايق كتير ...وهو بتطلع عالباص ولا في سنفورة راكبة ولا هي بتنادي عليه تعال اطلعالمهم طلع بالباص وقعد جنب السنفورة ....ومشى الباص وهو محمل عالواقف اكثر من القاعدينمشى الباص وعالطريق كل البنات الي عالواقف تتطلع عكشكول بنظرات وهيك كشكول اتضايق وكان قبلها بيوم حاضر مسلسل "باب الحارة" وهبت فيه الرجوليه والنخوة ووقف بنص الباص وحكى "باطل شو هالوضع العاطل" وقام وحكى للبنت الي واقفة عنده:اقعدي يا اختي ....المهم قعدت البنت ومشى الباص وصل كشكول عمحاضرته عادي مش رايح عليه غير اول محاضرتين المهم بمر الفصل عهالوضع كل يوم النتيجة: بحمل كشكول مادتين وبصير معدله 0.25/4 وكشكول بشوف النتيجة بتوحشوبحاول يشرح لأهله بس بدون فايدةبيجي الفصل التاني وكشكول بحلف يمين ليطلع اول واحد بكل بااااااااصبصير كشكول يلعب حديد عشان يعرف يدافش منيح وبكون كشول يحضر مسلسل"نور ومهند"وبصير يأمن بالمساواة وبصير يحكي لازم البنت توقف زي ما انا بوقفوبصير يتطلع الصبح عالمجمع وبدافش البنت قبل الشب وبطلع كشكول اول واحد وبتحول كشكول لواحد من الكشاكيل الموجوجة بالجامعهههههههههههههههانتظروا منا وضع كشكول الفصل الجاي وشكر الكم
الحلقة الثالثة:-
**************
رجع كشكول من الشغل الساعه 12 بالليل طبعا كشكول مكسر وتعبان يعني الصبح جامعه ومن الجامعه عالشغل فريرة(مسكين كشكول بدرس عحسابه وبدفع دم قلبه عشان يكمل الجامعه وياخد هالكرتونة عشان يصير زلمة محترم بهالمجتمع واله مكانته )وصل كشكول البيت وهاله كلهم نايمين ,قام كشكول عمل لحاله عشاء وتعشى ودرس شوي عمادة الميكانيكا لانه عنده احساس الخت بانه رح يحملها ..صارت الساعه 2.30 حكى :خليني اروح انام عشان الحق اصحى بكره عالمحاضرة"محاضرته الساعه 8". ومسكين قام كشكول ينام وهو باله مشغول عالمجزرة الي بتستناه الصبح بالمجمع وكيف بده يسدد رسوم هالفصل والي صارت الجامعه تخلي الدفع بس قبل امتحانات \الفيرست مو زي ما كان قبل لبعد السكند او قبله بشويالمهم كشكول حط راسه عالمخدة ونام""وهون بلشت حلقتنا"....صو ..صو ...صو..."صوت العصافير" كيف الهمة ؟ عاليه...والمعنوية؟؟عاليه..(رنت المنبه تاعت كشكول) وفي اقوال بتحكي انها كانت (وبحبك يا حمار)للمطرب القدير سعد القصيرقام كشكول وغسل وجهه وزبط شعراته وتهندس وصار شي فاخر عالاخر طلع كشكول من البيت وهو مسلم امر لربه وودع اهله فردا فردا في حال لم يعد من المعركةوصار يشجع بحال"يا كشول ما الك غير عضلاتك ,يا بتدافش منيح ...يا محاضراتك باي باي وصل كشكول عراس الشارع ووقف تكسيطبعا السواق نازل يغلط ويهلل عالدنيا وعالغلا ونازل يشحد من كشكول عولادهالمهمالسائق: وين بتحب تروح حبيبي؟كشكول: مجمع االمحطةالسائق: على راسي يا كبيركشكول: لا عالمجمعالمهم.....وصل كشكول عالمجمعالسائق:اتفضل حبيبي انزل هي المجمع وايدك عالاجرةكشكول: ولك شو هاد ياعمي !!انا حكيتلك عمجمع المحطة مو عالمطارالسائق: يا حبيبي هي المجمع انزل مش ناقص اهلك عالهصبحكشكول: يا زلمة وصلني مشان الله بلاش مزح والله مو نايمالسائق:ولك انزل يلعن هيك صباحية بكندرة ..انزلكشكول:طيب طيب طيب خلص نازل نازلنزل كشكول وهو مش مصدق انه بالمجمع عند باصات الهاشميةوقف كشكول جنب طالب واقف عالدور وفش طلاب كثار !! كشكول: يا زلمة احنا بالمطار شي؟؟!!الطالب: لا يا كشكول احنا بموقف الهاشميةكشكول : يا زلمة وين الطلاب الي كانت مرمية هون وهون وشو هالدور وشو البصات الي موقفة هاي!!! لسة مبارح كنا قالبينها ميمعه والطلاب طالعه عالسطح ومن الشبابيكالطالب: والله يا كشكول اسمعت انه ادراة الجامعه وادارة الشركة اخيرا استجابت للشكاوي الي قدمها الطلاب وللجروب الي عملناه عالفيس بوكوجابو ناس تمسك الدور منيح وتطلع الطلاب اول باول مش تجمعهم...يعني انبسط يا كشكول اول مرة رح تجرب الكراسيزغرت كشكول وصار ينط ويغني ويحكي ازمة بح بح والعلقات دح دح وأنا صح صحالطالب: يعني يا كشكول تعبنا ما راح عالفاضي وهمت الشباب ما راحت هدر لما وصلنا الجروب ل( 16500 )طالب يعني غصب عنهم لازم يستجيبوا لطلبنا لانه اكيد احنا بنهمهم وفي ناس بتخاف ربها وبتخاف عمصلحة طلبتهايعني هلأ يا كشكول مافي كتابه ومافي قصصك الي جننتنا فيها.كشكول: الحمدلله....كتاب حياتي يا عين...ماشفت زيه كتاب...الفرح في سطرين ..والباقي كله عزاب"في الحقيقة رنت منبه كشكول"عشان كشكول كان كل هاد عم يحلمشو رأيكم ..هل رح يجي يوم احلام كشكول تصير حقيقة وتنحل هالمشكلة؟؟؟؟
بقلم "
يوســـــــــــــــــــــــــــــف عودة"
المشاركات
